Posts Tagged ‘Boesak’
Welgedaan dr. Boesak!
Dr. Allan Boesak se bedanking uit alle posisies waarin hy verkies is om die Verenigende Gereformeerde Kerk (VGK) te verteenwoordig is prysenswaardig!
(Boesak het hom in ‘n golf van weerstand vasgeloop nadat hy as sameroeper die verslag van die taakgroep oor homoseksualiteit voorgehou het. Die aanbevelings het onder meer ‘n volledige aanvaarding van gay lidmate, gay predikante op die kansels, gay huwelike en die aanneming van kinders deur gay pare ingesluit. Dié aanbevelings is op onder meer die Belydenis van Belhar gegrond.)
Die Belydenis van Belhar gaan inderdaad nie net oor rassekwessies nie, maar oor geregtigheid, menslikheid, versoening en eenheid. En die situasie van gays in die kerk is inderdaad ten diepste een van ongeregtigheid. Wie dus Belhar omhels moet noodwendig gays omhels en onvoorwaardelik aanvaar, veral ook gesien in die lig van wetenskaplike bewys dat homoseksualiteit nie ‘n arbitrêre keuse is nie, maar ‘n biologiese gegewe.
Welgedaan, dr. Boesak. Welgedaan! Jou bedanking is ‘n opspraakwekkende standpunt wat nie geïgnoreer kán word nie!
In skrille kontras met Boesak se dóén is die moderatuur van die NGK Wes- en Suid-Kaapland die ene “diepe teleurstelling” en “diepe oortuiging” en “diepe versugting” en pis hulle elke nag hulle beddens nat oor die hartseer situasie dat die kerkherenigingsproses voorlopig opgeskort is…
Die VGK wil hê die NGK moet Belhar aanvaar, onder andere as bewys dat die NGK diskriminasie (Apartheid) verwerp. Maar die NGK diskrimineer stééds – teen gays! En nou diskrimineer die VGK óók teen gays!
Die godsdiens. Fôk! Was ek maar skerp genoeg om hierdie kakspul te kon begryp.
Vat hom! God! Vát hom!
Dr. Allan Boesak het gevra dat Suid-Afrikaanse kerke moet bid vir die val van die Zimbabwiese regering.
Daar is ‘n bonatuurlike wese iewers wat bepaal wié wáár en hoe lank regeer!?
Allamagtag!
Boesak erken selfs die onlangse gesprek tussen Mugabe en “God” oor Mugabe se ampstermyn en dat net “God” hom uit die kussings kan lig: “God”, sê Boesak, “U het hom gehoor. Verwyder hom nou, asseblief!”
En as Mugabe in gesprek met God was, is dit seker redelik om te aanvaar dat mnr Jacob Zuma onlangs óók met God in gesprek was oor die ANC se voorgenome termyn tot die wederkoms.
Indien daar ‘n “God” is wat oor regerings beskik, behoort dié bliksem deur die Internasionale Vervolgingsgesag aangekla te word omdat hy Robert Mugabe, George Bush en al die diktators oor die eeue heen nie gekeer het nie.
Dat die godsdiens iemand so intelligent soos dr. Allan Boesak so geredelik tot sulke idiotiese uitsprake kan lei is aanduidend van hoe skadelik die godsdiens werklik ís.
