Nathan Bond's TART Remarks

Religion: Respect? Ridicule!

Hoekom ek die MMC kritiseer

with 15 comments

My hewige kritiek op die Mighty Men Conference het my blog en my eposbus onder die woorde laat kreun. Mense sê vir my ek moet onthou dat Angus Buchan mense hoop gee. Rapport, wat die Mighty Men fenomeen melk vir elke sent wat dit werd is, het by “kenners” gaan kers opsteek. Hoop, is die konsensus. Buchan gee verwarde mense hoop. 60 000 mans saam is glo ‘n teken van die tydsgees.

“In tye van onsekerheid en vrees is dit te verstane dat Suid-Afrikaanse, veral Afrikaanse, mans hunker na ‘n vorm van standvastigheid soos geloof.”

Hoop? Dat “Liewejiesus alles in Suid Afrika gaan laat regkom” – as ons net na Sy pappie luister!?

Ja, sê die mense, die mans wat op Greytown saamgetrek het is nou beter mans en pa’s en werknemers en werkgewers.

Wel, as dit inderdaad só is, hoe kan die Mighty Men Conference dan gekritiseer word?

Die pad na ‘n beter lewe is nie uitgelê met ongeregverdigde oortuiginge nie. Die 60 000 is volkome onder die invloed van geliefde volksverhaaltjies oor gode; van mite; van veronderstellings waarvoor daar nie ‘n grieseltjie bewys bestaan nie; van veronderstellings waarvoor bewys nie eens denkbaar is nie. Dít is ‘n verregaande vergrype van menslike breinkrag wat ‘n soort perverse kulturele eienaardigheid tot gevolg het: dat rasionele diskoers onmoontlik word. En as die geskiedenis ons een ding leer dan is dit dat ‘n gebrek aan smaak vir bewys gereeld die ergste in die mensdom uitbring. Wanneer oortuiging – hoe edel ook al – deur iets anders as bewyse geregverdig word, laat dit ons magteloos om een van die mees deurdringende oorsake van konflik in ons samelewing te identifiseer en aan te spreek: Blinde Geloof. Byvoorbeeld, as die idee dat jy vir ewig gaan leef eers posgevat het, verander die uitkyk op die lewe op ‘n manier wat andersins ondenkbaar sou wees. Wanneer die idee dat ‘n bepaalde versameling antieke geskrifte die onfeilbare woorde van ‘n “God” is eers posgevat het, word Sjibbolet-vergrype (Sien Rigters 12.v,vi) die norm. Ons het nié die rég om goed te glo sonder bewyse nie!*

Die idee dat daar ‘n Perfekte, Almagtige, Alwetende, Alomteenwoordige Bonatuurlike Skepper en Beskikker is, is onsinnig. Daar is nie ‘n grieseltjie bewys dat só ‘n Wese bestaan nie. Om in verwagting van hierdie “God” se ingrype te leef is om waardevolle tyd te mors, tyd wat met dink en werk tot onmiddellike en volhoubare voordeel van die ganse planeet en alle lewe aangewend kan word; aangewend móét word.

Ek meen dit is ‘n kwade dag as dit ‘n wolhaarstorie kos om mense te motiveer om te doen wat hulle in elk geval behoort te doen. Godsdiens is die laaste plek om ‘n sin vir reg en verkeerd te gaan optel.

Ek is nie beïndruk met ‘n nuwe! gemotiveerde! man (met herwonne manlikheid!) wat sy brein in die grootste tent op aarde neffens Greytown gelos het nie. Ek dink ‘n boodskap wat hoop gee, maar ook waansinnighede insluit soos gay seks is onaanvaarbaar en dis goed om jou kind sporadies te bliksem en Liewejiesus sal jou wys waar om vir water te boor is ‘n boodskap wat maar gelaatlos kan word. ‘n Boodskap wat gewortel is in lewende dooies en maagdelike geboortes en ‘n heen-en-weer gereisery deur die buitenste ruimte is ‘n kak boodskap, makisaak hoe ougat jy dit opdress nie.

Die Mighty Men Conference is sleg vir Suid Afrika. Die Mighty Men Conference is sleg vir mans en vir hulle vrouens en vir hulle kinders en vir hulle werknemers en vir hulle werkgewers. En die Afrikaanse koerante wat die Mighty Men Conference so ophemel is onverantwoordelik en lê hulle plig op die altaar van tydelike verhoogde omset.

Op die lange duur is valse hoop altyd erger as wanhoop.

_______________

* Harris, Sam. 2005. The End of Faith. Free Press. London.

Written by Nathan Bond

April 27, 2008 at 18:16

15 Responses

Subscribe to comments with RSS.

  1. Daan

    Jou gat , jy gaan vir hom sing en sing en sing en sy gat lek en sy gat lek en weer sing ….

    Ons gaan ‘n lekker party he , met girls wat nie virgins is nie…he he he

    DW

    April 30, 2009 at 13:08

  2. Ek het dit tevore op verskeie plekke al gesê en geskryf, so hier’s dit nou weer duidelik gestel: Die heilige gees is niks meer as ’n simptoom van die sielkundige skade waaronder gelowiges ly. Gevolglik is hy ’n bloeddorstige boelie en ’n aaklige doos.

    Dink jy rêrig ek kry nog ’n kans?

    Con-Tester

    April 30, 2009 at 12:31

  3. Hallo, Danie.

    Argumentshalwe sal ek jou onderliggende dwaas veronderstellings aanvaar. Jy is natuurlik heeltemaal welkom om vir my te lag op die dag terwyl jy jouself voer — as jy enigsins in staat is daartoe want dalk stuur jou hemelpappa jou sommer langs my in daai vuur in. Maar dink jy nie dat jou uitsien na my verbranding in ewige vuur so effens teen die gees van jou eie geloof is nie?

    Net ’n gedagte.

    Con-Tester

    April 30, 2009 at 12:13

  4. Connie! Hi.

    Nee, dis reg. As jy op die oordeelsdag vir God “fok jou” sê, gaan jy dadelik in die vuur gegooi word en vir ewig en ewig braai! Soos ‘n varkkaing.

    En ek gaan in die hemel sit, ‘n steak chateaubriande eet, Glen Fidich met baie ys drink, en vir jou lag!!

    Daan Van der Merwe

    April 30, 2009 at 11:30

  5. Contester , nee ons het almal nog ‘n kans , as jy uitverkies is gaan jy daar sing ou broer , jy gaan sing dat die kots by jou ore uitkom soos in 24/7 … vir liewe Jeeeeesus en sy papa ..elke dag en elke minuut tot in die alle ewigheid in.

    Oooo jirre Jissis , kan jy jou voorstel dat ou Nathan ook nog ‘n kans het om die koorleier daar bo by liewe Jeeeeesus te word . Ek hoop ou NATHAN ken baie liedjies…..jissis ek sal my gat aflag as hy uitverkies is….

    Gods ek hoop regtig nie ek is uitverkies nie want ek like fokol van sing en om gotte se gatte te lek.

    Hier is my gebed vir die dag.

    God , julle 3 gotte daar bo wat 1 is . Hellllooooow Dud’s , hoe gaan dit daar bo ?
    Foket , ons mis julle 3 konte nou al vanaf die skepping se tyd af… sal ons dit 6000 jaar noem of moet ek die wetenskaplike datering gebruik …never mind my chinas …

    Julle 3 gotte , ek smeek julle outjies om asseblief my naam uit julle groot boek te tipp-ex .. ..dis nou die boek waar die name in staan van die uitverkies is.

    My gotte , sit eerder ou Nathan se naam in daai boek van jou , maar asb haal my naam uit want ek like dit fokol om te sing , jissis , en die liedjies waarna julle gotte luister is so kloosterkoekagtig .

    Laat weet my somer per sms of e-mail van julle antwoord .

    Groete

    Oooo my 3 gotte voordat ek vergeet , dink julle nog steeds die aarde is plat ?

    DW

    DW

    April 30, 2009 at 11:23

  6. Daan Van der Merwe skryf (April 29, 2009 om 3:43 nm):

    [G]oddelose bliksems soos Nathan, Con en DW gaan mos geweldig lank moet rekenskap gee van al die lasterlike dinge wat hulle kwytgeraak het.

    Ek kan natuurlik nie namens DW of Nathan Bond praat nie, maar my sessie sal baie vinnig oor wees. My “rekenskap” sal uit net twee kort woordjies bestaan – jy sal maar self moet uitwerk wat hulle sal wees – want ek is al klaar, volgens julle eie Gristelike reëls, lankal by die vergifnispunt verby. Of sal julle genadige here dalk my vrye wil wegvat en my dwing om te berou? Lekker, man. Gelowiges wys al weer hulle indrukwekkend geweldige breinkrag as dit kom by hulle liederlike oortuigings.

    Con-Tester

    April 29, 2009 at 20:58

  7. Peter.

    Ek hou van die eerste drie paragrawe van jou pos. Ek hou egter nie van jou waarskuwing nie.

    Ek is al die jare ‘n getroue Calvinis en toegewyde Christen, maar ek het die afgelope tyd wyd gelees, gepraat (met diep slim manne) en gedink.

    Glo jy werklik daar gaan ‘n oordeelsdag kom wanneer elke mens vanaf Adam tot ek en jy en waarskynlike nog vele geslagte na ons, rekenskap sal moet gee van elke ydele woord?

    Dink jy al die mense oor al die eeue sal binne eendag rekenskap kan gee?

    Ek bedoel, soet outjies soos ek en jy sal vinnig gaan, maar goddelose bliksems soos Nathan, Con en DW gaan mos geweldig lank moet rekenskap gee van al die lasterlike dinge wat hulle kwytgeraak het.

    Alles in eendag? Ek weet darem nie ou Peter….

    Daan Van der Merwe

    April 29, 2009 at 15:43

  8. Bernard skryf :” Ek dinka as ons almal saam bid vir hom en saam se AMEN. Kan ons hom wys wat se krag daar is by ons VADER. ”

    Bernard , wat van jy en Anus Angus bid vir my ‘n altaar aan die brand net soos Elia dit gedoen het .

    Dan hoef jy mos nie te dink dat die biddery gaan werk nie , dan kan ons mos sien dit werk .

    Tot tyd en wyl jy dit nie kan doen nie is jy net nog ‘n kakprater .

    DW

    April 29, 2009 at 12:24

  9. AMEN EN AMEN. Hierdie is werklik n verlore siel wat smag na aandag. Anders sal hy hom nie so te nakom nie. Ek dinka as ons almal saam bid vir hom en saam se AMEN. Kan ons hom wys wat se krag daar is by ons VADER.

    bernard

    April 29, 2009 at 07:03

  10. Weep! That in 2008 one can write plain common sense and the 5 responses you get all say: “You poor man, if only you could believe in fairies all would be well with your world”. I find it mind-boggling that people are utterly unable to stop and think: “Hang on, what exactly makes me think all these myths are true?”. Nope, you’re not allowed to think, see. It’s dangerous. Not even the exposure of the Jimmy Swaggarts and the Tammy Bakkers “allows” a fresh, critical look at the lies they peddled. We simply swing around and start worshipping the next conman. And don’t you dare multiply 60 000 men X R100 for camping and come up with R6m for one weekend: You dirty rascal! Are you saying Our Angus is not as close to Holy as he says he is? Shame on you.
    Here’s another thing that AMAZES me: A modern Zulu/Venda/Xhosa – any African – that agrees with this madness. Why the hell does a 2008 African think that only whites arriving on ships knew what the cosmic answer to ever-lasting life was?? Why doesn’t the very fact that THEY brought these myths to Africa and peddled them (along with tales of white superiority) while robbing Africans of land and power strike a little bell in their heads that rings “HELLO-O, maybe this is bullshit!!”
    (I love this:) Dis my gat se deksel.

    bewilderbeast

    August 8, 2008 at 14:47

  11. Ek voel rerig jammer vir mense soos jy. Het jy al ooit gewonder hoekom mense roep na iets wanneer hulle op sterwe le of in nood verkeer?Omdat ons Hemelse Vader van die begin af daar is. Hy het jou in Sy Hand gevorm. En soos wanneer ‘n kind opsoek is na sy vader of moeder en ‘n leemte ervaar so is dit die Selfde met ons Skepper daar bo. Mense wat Hom nie wil erken nie, kan nie help om nooit ware volkome vrede te errvaar nie. Jy mis uit. Ons kan maar net bid dat God genoeg genade sal he. Soos Peter ook se, dit is nie te laat vir jou nie. Ek nooi jou uit om net ‘n kans te waag. Soos wanneer jy vir die eerste keer iets eet, jy kan nie se dit smaak sleg voor jy dit nie geproe het nie!!! As jy daarna nog steeds dieselfde voel dan kan jy immers ‘n standpunt probeer maak. Ek verseker jou dat jy nie teleurgesteld sal wees nie.

    Mag God se genade jou omvou en Sy alomteenwoordigheid en Liefde jou tot inkeer ruk.

    ‘n Vriendin in Jesus

    Suretha Viljoen

    July 21, 2008 at 09:43

  12. “As jy bewyse het, is dit nie meer geloof nie!”?
    Peter, ek sien jy bring ‘n “ministry” op die been. Ek dink, en dis maar net my persoonlike mening, dat jy perdalkies nog so ‘n bietjie moet lees en dink voordat jy…

    Nathan Bond

    July 7, 2008 at 09:36

  13. Haai! Jy verstaan nie wat geloof is nie! As jy bewyse het, is dit nie meer geloof nie!

    Verder! Om te lees oor iets positiefs is aangenaam! Manne wat aangeraak is deur die Gees van ons Hemelse Vader (Iets wat jy natuurlik nie sal verstaan nie, want jou vader (nie biologies nie) vul jou met haat, godslastering en alles wat walglik is)

    Daarom is daar geen plesier en seen in om jou goed te lees nie. Ek dink jy is maar net ‘n bietjie bitter bek oor die die feit dat die Angus verhaal koerante verkoop maar jy nie ‘ kans staan om enigsens enige merk te maak nie, want walglikheid is volop!

    ‘n Woord van waarskuwing! Die Bybel waarsku dat die mens eendag rekenskap sal moet gee van alle eidele woorde! Ook verseker die Woord van God dat elke knie sal buig en elke tong sal bely dat JESUS CHRISTUS die Here is. Party mense doen dit vrywillig! Ander sal dit in die oordeels dag gedwonge doen, wanneer hulle besef dat hulle die Hand van ‘n genadige God verag het en Sy liefde en reddende genade vertrap het! Maar dan gaan dit te LAAT wees.

    Indien jy dit dalk nie weet nie: Geen mens sal die ewige lewe ontang omdat hulle dit verdien nie, alles is genade. Geen mens sal hel toe gaan omdat hy of sy gesondig het nie, maar omdat hulle nie God se genade wou ontvang en ervaar nie!

    Dit is nie te laat vir jou nie! Kom by Jesus uit – gou!

    Maar weet verseker as jy God nie soek en Vrede ontvang nie, wanneer dit te laat is, sal hierdie en ander waarskuwings in jou gemoed opgeroep word – maar weereens: DIT SAL DAN TE LAAT WEES!

    MAG JY GOD SE GENADE SOEK TERWL DIT NOG TE VINDE IS!

    PETER

    Peter Cilliers

    July 7, 2008 at 05:41

  14. Natham
    Die Christendom word gewaarsku teen mense wat Godslasterik is, jy sal baie vinnig op jou kniee moet kom en God moet smeek vir vergifnis van jou Godslasterike woorde teenoor Hom. Maak jou deur oop vir God en laat hom in jou hart inkom, want wanneer jou God heeltemal verwerp pleeg jy die sonde wat God nie vergewe nie en dit is die verwerping van die Heilige Gees. Lees jou Bybel en vra God om jou te vervul met die Heilige Gees en dan sal jy sien hoe wonderlik hierdie lewe is. Ek bid vir jou dat God in jou lewe kan inkom want as dit te laat is vir jou gaan jy baie spyt wees dat jy God verwerp het.

    Hilgard Muller

    Muller

    May 5, 2008 at 07:05

  15. Liewe Nathan

    Ek voel jammer vir jou. Jy het duidelik nog nie ‘n krieseltjie van God se genade beleef nie. As jy het, sou jy nie so van Hom gepraat het nie en sou jy nie die werk wat Hy by die konferensie gedoen het onder mans gekritiseer het nie. Man, ek wens so jy was daar. Net sodat jy kon beleef wat ek beleef het. Jy sal nie weet waarvan ons praat tensy jy self daar was nie. Dis nie leë hoop en stories en volksverhaaltjies nie. Dis realiteit soos die petrolprys wat styg. En God is nie jou china of iemand se pappie nie. Ek bid dat Hy jou sal vergewe vir hoe jy Hom verkleineer het. Jy soek bewyse, die Bybel word elke dag meer en meer bewys. Deur wie? Wetenskaplikes wat nou slim genoeg geword het om dinge te kan bewys wat lank gelede gebeur het. En geloof kom uit die hart, nie die kop nie.

    Tobie Verreynne

    May 2, 2008 at 15:46


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: